Avalon-Seminar in Glastonbury (Südengland)
“The Ways of Avalon have not been forgotten. They have slumbered in the psyche of all women, awaiting, perhaps, a time to reemerge. A time when, once again, Avalon may serve as a path of healing, of empowerment, of self discovery. A time when a woman, dedicated to her personal growth, can once again climb the Tor’s spiraled path and find the Goddess within.” (http://sisterhoodofavalon.org/soa2013/)
Ech bidden ee Seminar u mam Titel: "Reise nach Avalon - Reise zu DIR".
Eis Rees féiert eis op Glastonbury, eng magesch kleng Stad am Südweste vun England. Archeologesch Ausgruewungen hunn nogewisen, dass hei scho virun 10.000 Joer Leit gelieft hunn an di helleg Quelle genotzt hunn. Hei treffen di rout an di wäiss Draachelinn openeen, dat si Leylinnen déi queesch duerch de Süde vun England fléissen. Dës bréngen eng aussergewéinlech Energie mat sech – wat dozou geféiert huet, dass zu allen Zäiten d'Géigend ëm Glastonbury spirituell an energetesch genotzt a gewierdegt ginn ass. Et gëtt gesot, den Häerzchakra vun der Äerd wier a Westeuropa, a matten am Häerz vun dësem Chakra léich Glastonbury.
Der So no läit hei zu Glastonbury dat legendäert Avalon, verbuergen an de Schleiere vun der Zäit an am Niwwel, deen zu fréieren Zäiten, wou hei nach alles Marschland war, iwwer dem Land hung. Mat Avalon a Verbindung ze trieden hëlleft eis, Zougank zu alem, längst vergiessenem Wëssen erëm ze fannen, awer och den Zougank zu eis selwer, eiser Séil nees nei z'entdecken.
Mir wëllen di puer Deeg zu Glastonbury notzen, eis Helfer aus der schamanescher Welt ëm Rot ze froen zu engem bestëmmten Thema, wat mir eis virun der Rees iwwerleeën. Hei, wou d'Schleieren zwëschen de Welte besonnesch dënn sinn, ass di ideal Plaz, Ales ze klären an eis ze stäerke fir dat wat virun eis läit. Déi zwou Leylinnen (d'Michael-Linn mat hirer mächteg männlecher Energie an d'Mary-Linn mat hirer wonnerbarer, doucer a weiblecher Energie), déi sech hei zu Glastonbury ëmspillen a kräizen, hëllefen eis, eis dëst Thema ënner verschiddenen Aspekter unzekucken. D'Begéine vum Männlechen a Weibleche wierkt sech ausgläichend aus op eis ganzt Wiesen.
D'Statioune vun eiser Rees leien op engem Spiralwee, engem Wee deen eis Transformatioun an Heelung bréngt, an eis mat all Schrëtt eis selwer ee Stéck méi no bréngt. Si bauen op d'Buch „Der Ruf Avalons“ vum Désirée a Martin Baierl op, mat der frëndlecher Genehmegung vun dësen zwee sympathesche Schamanen! :)
Mir wäerten d'Ruine vun der aler Abtei besichen, de berühmten Tor eropkloteren, eis mam Waasser vun deenen zwou hellege Quellen „The White Spring“ an „Chalice Well“ stäerken.
Ongeféier eng Stonn vu Glastonbury ewech läit de Steekrees vun Avebury. Hien ass ee vun deene gréisste Steekreesser op de briteschen Inselen a gehéiert säit 1986, als Deel vun de „Stonehenge, Avebury and Associated Sites“, zum Weltkulturierwe vun der UNESCO. De Steekrees vun Avebury läit op enger Gesamtfläch vu 15 Hektar, ass haut zum Deel bebaut a besteet aus engem groussen äussere Krees an zwee mi klenge Kreesser bannen dran.
Anescht wéi zu Stonehenge kann een hei an direkte Kontakt mat de Steng trieden. Mir wäerten een Nomëtten hei verbréngen, eis an di wonnerbar Energie vun dëser Plaz afillen, an d'Message vun de Steng mat heem huelen.
D'Rees op Glastonbury mécht jiddereen op eege Verantwortung. D'Rees- an Transportkäschten, Hotel/B&B, Iessen a perséinlech Ausgaben iwwerhëlt jidderee selwer.
De Präis vum Seminar ass 280€. Do ass d'Entrée fir di verschidde Siten abegraff.
Ënner dësem Link kanns du dir d'Impressioune vun eiser 1. Avalon-Rees ukucken.
Bei Interessi an eventuelle Froe kanns de mech kontaktéieren ënner der Mailadress entspan.dech@gmail.com.
Ech freeë mech op dech!
Datum vun der nächster Rees:
Päischtvakanz 2025
„Wenn Sie diesen Weg beschreiten, kommen Sie mit jedem Schritt näher zu sich selbst, zu dem, was Sie wirklich wollen und eigentlich sind.“ Désirée und Martin Baierl: Der Ruf Avalons - in 7 Schritten zur eigenen Bestimmung